სიახლე
წყალმცენარეების ენერგიის გამოყენება დაბინძურების შემცირებისა და ლურჯი ზრდისთვის
პროექტი ეხმიანება გარემოსდაცვით გამოწვევებს და ხელს უწყობს რეგიონში მდგრად ეკონომიკურ განვითარებას. მისი მიზანია შავი ზღვის წყალმცენარეების შესახებ ცოდნის ცენტრის შექმნა, რომელიც წარმოადგენს წყალმცენარეებთან დაკავშირებული კვლევის, ინოვაციებისა და საუკეთესო პრაქტიკის გაზიარების ცენტრალიზებულ პლატფორმას. ძირითადი აქტივობები მოიცავს ხელოვნური ინტელექტით მომუშავე წყალმცენარეების მონიტორინგის ინსტრუმენტის, AlgaeSense-ის, შემუშავებას და პილოტურ აქტივობებს წყალმცენარეების სახეობების იდენტიფიცირებისა და გაშენებისთვის, რომლებსაც აქვთ სამრეწველო პოტენციალი დაბინძურების შემცირებისა და სამრეწველო ათვისებისთვის.
პროექტის პარტნიორები: Via Pontica Foundation (PP1 – წამყვანი პარტნიორი- ბულგარეთი); ბურგასის სახელმწიფო უნივერსიტეტი „პროფ. დ-რ ასენ ზლატაროვი“ (PP2 – ბულგარეთი); საქართველოს ტექნიკური უნივერსიტეტის ცოტნე მირცხულავას სახელობის წყლის მართვის ინსტიტუტი (PP3- საქართველო); ოდესის სახელმწიფო აგრარული უნივერსიტეტი (PP4 – უკრაინა); საბერძნეთის სოფლის მეურნეობის ორგანიზაცია DIMITRA (PP5 საბერძნეთი); ოვიდიუს დინ კონსტანცას უნივერსიტეტი (PP6 – რუმინეთი).
დაწყების თარიღი: 02/09/2024
დასრულების თარიღი: 01/03/2027
საერთო ბიუჯეტი: 1.470.899,04 €
AlgaeRevive პროექტის საერთო მიზანია შავი ზღვის რეგიონში წყალმცენარეების კვლევის, ინოვაციებისა და სამრეწველო ათვისებისთვის მდგრადი და ინოვაციური ეკოსისტემის შექმნა. პროექტის მიზანია წყალმცენარეების პოტენციალის გამოყენება, როგორც დაბინძურების შემცირების გადაწყვეტის საშუალება, განსაკუთრებით საზღვაო ეკოსისტემების კონტექსტში, ასევე მათი პოტენციალის შესწავლა სხვადასხვა სამრეწველო გამოყენებისთვის.
ყურადღება! კონკურსანტთა საყურადღებოდ!
საქართველოს ტექნიკური უნივერსიტეტის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო აცხადებს ღია კონკურსს სამეცნიერო თანამდებობების დასაკავებლად:
ბუნებრივი საფრთხეებისა და გარემოს დაცვის განყოფილება:
- მთავარი მეცნიერი თანამშრომელი – 1,0 საშტატო ერთეული
- მეცნიერი თანამშრომელი – 1,0 საშტატო ერთეული
განცხადებების მიღება იწარმოებს 2025 წლის 22 აპრილიდან – 24 აპრილის ჩათვლით, 10:00-დან 17:00 საათამდე, მისამართზე: ქ.თბილისი, საქართველოს ტექნიკური უნივერსიტეტის პირველი სასწავლო კორპუსი, მეორე სართული, №206, ცოტნე მირცხულავას სახელობის წყალთა მეურნეობის ინსტიტუტი, საკონტაქტო პირი: მარინე მღებრიშვილი, ტელ: 579 08 95 79.
კონკურსი ჩატარდება 2025 წლის 28 აპრილს. კონკურსის პირველადი შედეგები გამოქვეყნდება არაუგვიანეს 2025 წლის 28 აპრილს, საკონკურსო კომისიის მიერ თვალსაჩინო ადგილზე და ინსტიტუტის ვებგვერდზე.
კონკურსის ჩატარების წესის დარღვევასთან დაკავშირებით განცხადებები/საჩივრები საკონკურსო კომისიაში მიიღება 2025 წლის პირველი მაისის ჩათვლით.
კონკურსში მონაწილეობის მსურველთათვის დამატებითი ინფორმაცია (კონკურსანტის ანკეტა და განცხადება, გასაუბრების დრო და ადგილი) გამოქვეყნდება ინსტიტუტის ვებგვერდზე.
II. საკონკურსო პირობები
კონკურსის ძირითადი პირობები:
ა) მთავარი მეცნიერი თანამშრომლის თანამდებობის დაკავება შეუძლია პირს, რომელსაც აქვს დოქტორის ან მასთან გათანაბრებული აკადემიური ხარისხი, სამეცნიერო-კვლევითი საქმიანობის არანაკლებ 6 წლის გამოცდილება.
ბ) მეცნიერი თანამშრომლის თანამდებობის დაკავება შეუძლია პირს, რომელსაც აქვს მაგისტრის ან მასთან გათანაბრებული აკადემიური ხარისხი.
მეცნიერის (მთავარი მეცნიერი თანამშრომლის, მეცნიერი თანამშრომლის) თანამდებობაზე პირი აირჩევა 5 წლის ვადით.
კონკურსში მონაწილეობის მსურველმა პირადად (ან წარმომადგენლის მეშვეობით) უნდა წარმოადგინოს:
ა) სათანადო ფორმით შედგენილი და ხელმოწერილი განცხადება და ანკეტა (ფორმები გამოქვეყნდება ინსტიტუტის ვებგვერდზე, აგრეთვე მათში წარმოდგენილი ინფორმაციის დამადასტურებელი დოკუმენტაცია: დიპლომი, სერტიფიკატი, მოწმობა, სიგელი, ცნობა და ა.შ. (დედანი და ასლი);
ბ) სამეცნიერო/აკადემიური ხარისხის დამადასტურებელი დოკუმენტი (დედანი და ასლი);
გ) სამეცნიერო-კვლევითი გამოცდილების (სტაჟის) დამადასტურებელი საბუთი (საბუთები) დამოწმებული შესაბამისი ორგანიზაციის/დაწესებულების ბეჭდით;
დ) სამეცნიერო და სასწავლო-მეთოდური ნაშრომების ნუსხა, დამოწმებული შესაბამისი დაწესებულების/ორგანიზაციის ან მისი სტრუქტურული ერთეულის კომპეტენტური პირის ხელმოწერითა და ბეჭდით (ასეთის არსებობის შემთხვევაში);
ე) პირადობის მოწმობა (დედანი და ქსეროასლი);
ვ) 2 ფოტოსურათი 3X4;
ზ) სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ ცნობა და უფლების ჩამორთმევის შესახებ ცნობა.
შენიშვნა: ცნობების წარმოდგენისგან თავისუფლდება პირი, ვისაც აღნიშნული ცნობები უკვე წარმოდგენილი აქვს უნივერსიტეტის ადამიანური კაპიტალის მართვის დეპარტამენტში.
III. კონკურსის ჩატარების წესი
- კონკურსი ჩატარდება “უმაღლესი განათლების შესახებ“ საქართველოს კანონის, უნივერსიტეტის წესდებისა და ,,ცოტნე მირცხულავას სახელობის წყალთა მეურნეობის ინსტიტუტის სამეცნიერო პერსონალის სამსახურში მიღების წესის“ შესაბამისად, რომლებსაც კონკურსანტი გაეცნობა საკონკურსო კომისიაში, უნივერსიტეტისა და ინსტიტუტის ვებ-გვერდებზე;
- საკონკურსო კომისიის მიერ გათვალისწინებული იქნება: კონკურსანტის კვალიფიკაციის და კომპეტენციის შესაბამისობა საკონკურსო თანამდებობასთან, მათ შორის საკონკურსო თანამდებობის პროფილის შესაბამისი სამეცნიერო-კვლევითი, პრაქტიკული და სხვა აქტივობები, მიღწევები, კვალიფიკაციები, გამოცდილება და დამსახურება; ასევე (კომისიის გადაწყვეტილებით) კონკურსანტთან (კონკურსანტებთან) ჩატარებული ინტერვიუს შედეგები;
- კონკურსის შედეგების გასაჩივრება შესაძლებელია სასამართლოში, მოქმედი კანონმდებლობის შესაბამისად.
| 3/ 04/ 2024 – ღია კონკურსი სამეცნიერო თანამდებობების დასაკავებლად |
ღია კონკურსის შესახებ (word. doc) >>
კონკ. განცხადება (word. doc)>>
საკონკურსო ანკეტა.(pdf. doc) >>
| 15/ 03/ 2024 – ღია კონკურსი სამეცნიერო სტრუქტურული ერთეულის ხელმძღვანელის თანამდებობის დასაკავებლად |
საქართველოს ტექნიკური უნივერსიტეტის ცოტნე მირცხულავას სახელობის წყალთა მეურნეობის ინსტიტუტის სამეცნიერო საბჭო აცხადებს ღია კონკურსს სამეცნიერო სტრუქტურული ერთეულის ხელმძღვანელის თანამდებობის დასაკავებლად:
- ბუნებრივი საფრთხეებისა და გარემოს დაცვის განყოფილების ხელმძღვანელი (მთავარი მეცნიერი თანამშრომელი) – 1 საშტატო ერთეული.
განცხადებების მიღება იწარმოებს 2024 წლის 11 მარტიდან – 13 მარტის ჩათვლით, 10-დან 17 საათამდე, მისამართზე: ქ.თბილისი, ი.ჭავჭავაძის გამზირი N60-ბ, მეორე სართული, ოთახი N232, ცოტნე მირცხულავას სახელობის წყალთა მეურნეობის ინსტიტუტი, საკონტაქტო პირი: მარინე მღებრიშვილი, ტელ: 579 08 95 79.
ინსტიტუტის სამეცნიერო საბჭოს მიერ სამეცნიერო სტრუქტურული ერთეულის ხელმძღვანელის ვაკანტურ თანამდებობაზე ასარჩევ კონკურსანტ(ებ)თან გასაუბრება და კენჭისყრა ჩატარდება 2024 წლის 15 მარტს. კენჭისყრის შედეგები სამეცნიერო საბჭოს მიერ გამოცხადდება კენჭისყრის დასრულებისთანავე – 15 მარტს და გამოიკვრება ინსტიტუტში თვალსაჩინო ადგილზე, ასევე გამოქვეყნდება ინსტიტუტის ვებგვერდზე: http://www.wmi.ge/index.htm
კონკურსის ჩატარების წესის დარღვევასთან დაკავშირებით განცხადებები/საჩივრები სამეცნიერო საბჭოში მიიღება 2024 წლის 17 მარტის ჩათვლით.
II. საკონკურსო პირობები
კონკურსის ძირითადი პირობები:
ინსტიტუტის სამეცნიერო სტრუქტურული ერთეულის ხელმძღვანელის თანამდებობის დაკავება შეუძლია პირს, რომელიც აკმაყოფილებს ამ დამოუკიდებელი სამეცნიერო-კვლევითი ერთეულის მთავარი მეცნიერი თანამშრომლისთვის ან უფროსი მეცნიერი თანამშრომლისთვის დადგენილ მოთხოვნებს. თუ პირს არ უკავია მთავარი მეცნიერითანამშრომლის ან უფროსი მეცნიერი თანამშრომლის თანამდებობა, ინსტიტუტის სამეცნიერო სტრუქტურული ერთეულის ხელმძღვანელის თანამდებობაზე არჩევის შემთხვევაში იგი ითვლება აგრეთვე სათანადო სამეცნიერო თანამდებობაზე არჩეულად.